Me siguri të gjithë keni dëgjuar për ‘Select 1 Hair Studio’, një nga bizneset më të suksesshme në Shqipëri për kurimin e imazhit. Përveçse njihen për mrekullitë që bëjnë me pamjen e klientëve të tyre, ata janë kolegë dhe miq shumë të mirë me njëri-tjetrin, duke krijuar një ambjent shumë familjar pune. Këtë e kanë treguar dhe në postimin më të fundit të bërë në ‘Instagram’, ku kanë zbuluar se kanë udhëtuar në Francë për një arsye shumë të veçantë.
“Miqtë janë bashkë, në çdo ditë. Edhe në ato më të vështirat. Fundjavën që lamë pas udhëtuam drejt Francës për t’i qenë në krahë mikeshës sonë, Rezit, në betejën me sëmundjen e shekullit. Përpara kimioterapisë së saj të parë, i premë edhe ne flokët, për t’u sensibilizuar me mikeshën tonë, e cila edhe në këto momente nuk e hoqi buzëqeshjen diellore nga fytyra. Vazhdo buzëqesh Rezi, ti je më e fortë se kjo betejë”,- ka treguar një prej pjesëtarëve të stafit të studios së njohur.
Me këtë gjest ata kanë treguar publikisht mbështetjen për mikeshën e tyre, por kanë transmetuar edhe një mesazh të fortë për të gjithë ata që i ndjekin. Mjafton një veprim i thjeshtë dhe njerëzor për të ndryshuar jetën e dikujt dhe për t’i dhënë forcën të ecë përpara edhe në përballje të tilla./revistawho.com
https://www.instagram.com/p/BzsxkhNg3-i/
