E ftuar të premten mbrëma ne emision “Xing” të Ermal Mamaqit, këngëtarja Ronela Hajati ka rrëfyer se si ka udhëtuar deri në Kosovë jo vetëm pa pasur dokumentat e nevojshme, por edhe pa ditur t’i jepte makinës. Ajo ka treguar se në ato kohë ajo nuk ka pasur mundësitë financiare për të blerë një makinë ndaj dhe do të udhëtonte drejt Kosovës me mjete transporti publik. Koncerti do qëllonte pikërisht në festën e Bajramit dhe kjo e detyroi Ronelën që t’i huazonte makinën shoqes së saj për te mos e humbur koncertin. Bashkë me të udhëtim mori edhe një shoqe e cila do të hiqej si motra e saj. Të dyja ishin të maskuara dhe përgjatë gjithë rrugës në tension. Ashtu sikurse edhe e kishin parashikuar policia i ndalon në një moment, por gjithçka kaloi me sukses, pasi ata besuan se Ronela ishte vajza në fotografinë e pasaportës. Por jo vetëm, policët i theksuan se ajo i ngjante shumë Ronela Hajatit, vetëm ajo “është më e mirë”. Ajo vetëm arriti shëndoshë e mirë në Prishtinë, por vendosi të bënte dhe disa xhiro në qëndër të qytetit si për të festuar. “Shqiptari që përfaqësoj unë ka qejf të shesë mend. Edhe unë në njërën dorë timonin, shikoja posterat e mi nëpër qytet dhe i bija rreth e përqark”, ka thënë ajo në emision.
Por lavdia nuk zgjati shumë, pasi duke mos ditur t’i jepte makinës siç duhej ajo goditi dy makina. Dhe kësaj herë u kuptua që ajo nuk ishte vajza në patentë, por Ronela Hajati. Në komisariat ajo ka filluar të qajë edhe pse makina kishte pësuar vetëm disa dëmtime të vogla. Policët i premtuan se do ta linin të lirë nëse do ta ftonin në koncert. Ndërkohë që Drejtori i Komisariatit nuk e mësoi kurrë se patenta nuk i përksite Ronelës. Gjithsesi ngjarja pati një “fund të gëzueshëm”, pasi Ronelën e lanë të lirë, ndërkohe që ajo i ftoi të gjithë policët në koncert.
