Beniada Nishani është rikthyer në Itali për të kaluar disa ditë pushimi me familjen e saj, të cilët kishte muaj që nuk i takonte për shkak të angazhimeve në Shqipëri. Por menjëherë pas rikthimit në shtetin fqinj Beniada është përballur me një situatë jo të këndshme.
Modelja ka treguar në Instagram se ka debatuar me komshien e saj sepse i kishte zënë garazhdin dhe e kishte ofenduar. Modelja ka regjistruar sherrin për të marrë policinë pasi tregon se nëse dikush të shan pa arsye në Itali dënohet me gjobë nga 1 mijë euro e lart.
“Sa erdha në Itali u zura me komshien sepse kishte vendosur makinën te garazhdi im. Thirra policinë. Vëllai im shkoi t’i thoshte mos ta vendoste më aty makinën herën tjetër. Por, ajo filloi ta shante me fjalë të rëndë. Madje, na shau edhe se ishim shqiptarë. Unë mora telefonin dhe bëra regjistrime sepse nëse dikush të shan pa arsye në Itali dënohet me gjobë nga 1 mijë euro e lart. Nuk toleroj dot kur dikush të ofendon, shan, lëndon pa asnjë arsye. Isha gati ta lagia me një kovë ujë. Kështu aventura ime në Itali sa erdha, plasi sherri. Kjo situatë më bëri nervoze”, ka treguar Beniada.
