Meghan ka gjetur një zgjidhje efektive për problemet e shtatzënisë

Muajt e parë të shtatzënisë, Meghan Markle po i kalon në një tur rreth Australisë së bashku me Princin Harry. Pas ditës që pallati mbretëror dha njoftimin se Meghan është shtatzënë, interesimi për Dukeshën ka qenë i lartë. Të gjithë duan të mësojnë detaje të ndryshme se si po shkon kjo periudhë për të. Meghan ka shkëmbyer biseda me banorët apo punëtorët e zonave që ka vizituar. Njëri prej tyre ka folur për mediat dhe ka treguar se çfarë bënte Meghan për të mbajtur trupin në formë. “Meghan më tregoi se shtatzënia për të ishte aq e lodhshme njësoj si të udhëtonte me avion për një kohë të gjatë. Gjithashtu ajo tha se ishte zgjuar në orën 4:30 të mëngjesit dhe kishte bërë joga, sepse nuk mundej të flinte”, – ka thënë Charlotte Connell. Pavarësisht se Meghan ndihet e lodhur, duket se ajo nuk e ka lënë pas kujdesin për veten duke u marrë me një aktivitet fizik. Gjithashtu Dukesha ka dhe përkujdesin e Princit Harry, i cili duket plotësisht i dedikuar ndaj saj. /revistawho.com