Meghan Markle thotë se Archie-t i pëlqen të flirtojë dhe zbulon nofkën e vogëlushit

Ditën e djeshme Dukesha dhe Duka e Sussex dhe djali i tyre, Archie, vizituan kryepeshkopin Desmond Tutu e vajzën Thandeka Tutu-Gxashe. Gjatë vizitës Tutu-Gxashe qeshi me vogëlushin Archie dhe ai ja ktheu në po të njëjtën mënyrë. Meghan e vuri re këtë detaj dhe tha me shaka se të voglit i pëlqen shumë të flirtojë. Gjatë takimit me kryepeshkopin dukesha zbuloi dhe nofkën e Archie. Në momentin kur vogëlushi filloi të belbëzonte Meghan e quajti Archie-n “Bubba”, duke treguar se ata i thërrasin në këtë mënyrë me përkëdheli. Në vizitën në Afrikën Jugore, Archie tërhoqi vëmendjen e të gjithëve, duke qenë se daljet e tij publike janë shumë të rralla. Nga videot dhe fotot e publikuara të gjithë bien dakord se djali ngjan shumë me babain e tij, Princin Harry dhe se vetëm pak tipare ka marrë nga Meghan. “Archie është i adhurueshëm dhe ngjan njësoj si Harry, por me sytë e Meghan”, është shprehur dikush. Familja mbretërore arriti në Afrikën Jugore në 23 shtator për të zhvilluar turin e parë të tyre të gjithë së bashku. /revistawho.com