Konflikti mes këngëtares Rozana Radi dhe Gerta Gixharit ka marrë një kthesë të re pas zbulimit të disa mesazheve private që përfshijnë aktoren Olta Gixhari.
Menaxheri i Rozanës Radi ka shpërndarë në Instagram një seri mesazhesh nga një bisedë me Oltën, e cila i kishte shprehur mbështetjen këngëtares përpara hyrjes në Big Brother VIP Albania 4. Në njërin prej mesazheve, Olta shkruan:
“Suksese shpirti. Mu bë qejfi shumë për ty dhe do më bëhet akoma më shumë kur të fitosh Big Brother.”
Ndërkohë, Rozana i përgjigjet duke thënë:
“Zemra, të dua shumë, hahaha s’kam firmosur unë asgjë, akoma jo një herë s’di.”
Publikimi i këtyre mesazheve ka ngjallur spekulime mes fansave të reality show-t, të cilët po diskutojnë intensitetin e marrëdhënieve mes Gerta dhe Olta Gixharit. Gerta insistoi se ky mesazh nuk ka asnjë problem pasi ajo nuk i kishte thënë Oltës se do të bëhej pjesë e këtij reality show deri ditën e fundit.
Vetë Olta u shfaq në spektaklin e së shtunës për t’i bërë një surprizë motrës së saj, Gertës.
Në një reagim të saj, Rozana ka theksuar:” Ke thënë që nuk flet me motrën”, duke kërkuar që menaxheri i saj të bëjë publike mesazhet që tregojnë të kundërtën.
