Gjumi ndikon gati çdo aspekt të jetës sonë, që nga sëmundjet fizike e deri te ato mendore. Por a e keni ditur se shprehitë tuaja të gjumit luajnë poashtu rol integral edhe në suksesin e lidhjeve tuaja? “Shprehitë e gjumit të çiftit mund t’iu tregojnë shumë për lidhjet e tyre”, tha Ane Auret, një trajnere e lidhjeve dhe takimeve për ‘The Independent’.
Ndërkaq, eksperti i lidhjeve, Jo Barnett, zbulon pesë sjelljet e kohës së gjumit dhe shtratit që mund ta rrezikojnë lidhjen tuaj. Së pari, të flini shpinë për shpinë është një shenjë e sigurt që lidhja mund të jetë në probleme, thotë Barnet, aq sa i bën çiftet të ndjehen të shkëputur nga njëri-tjetri.
Pastaj, se a gjeni apo jo kompromis se cili nga ju e kontrollon termostatin po ashtu mund të flasë shumë për situatën në të cilën gjendet lidhja juaj, shkruan “bota sot”. Problemi tjetër është se kush i kontrollon çarçafët, prandaj nëse njëri nga ju lufton shumë për çarçaf, atëherë duhet të blini një më të madh.
Madhësia e shtratit të cilin e ndani po ashtu mund të thotë mjaft shumë për lidhjen që keni. Të shkoni në shtrat në kohë të ndryshme, mund të ketë po ashtu impakt në lidhjen tuaj.
