Mesazhi i vajzës së gjyqtares së vrarë do t’ju përlotë: “Ajo ishte heroina ime…kurrë në këtë botë, nuk do të ketë më një njeri si ajo”

Vrasja e gjyqtares, Fildes Hafizi ka qenë një ngjarje që tronditi rëndë opinionin publik. Pas kërcënimeve të vazhdueshme prej 2 vitesh, atentati i dytë për të qe fatal. Ajo u vra nga bashkëshorti i saj duke lënë dy fëmijë të mitur. Vajza e saj, Melisa Hafizi ka postuar një dedikim prekës për të ëmën ku ndër të tjera thekson dhe vuajtjen e vazhdueshme që ka kaluar tërë këto vite duke e quajtur të atin “monstër”.
“Dje kam humbur personin më të rëndësishëm në jetën time. Mami im ishte heroina ime, perëndesha ime. Ajo është njeriu më i mrekullueshëm i kësaj bote dhe kurrë në këtë botë s’do të ketë njeri si ajo më në këtë botë. Ajo sakrifikoi çdo gjë për ne duke përfshirë jetën që të na hiqte nga ai plehra. Pavarësisht çdo gjëje ajo fliste mirë për të pavarësisht cdo kafshërie që kemi jetuar në atë shtëpi. Ajo ishte shoqja ime e ngushtë, motra ime, dashuria ime e parë në këtë botë. Kushdo që e njihte e adhuronte kurajën forcën inteligjencën dashurinë e saj për jetën dhe zemrën e saj të pastër. Vetëm ne e dimë se si rrinte me frikë kur iknim cdo fundjavë te i ashtuquajturi “babi” që ka qenë dhe gjithmonë do të jetë një monstër që nuk meriton të marrë frymë.
Kur të kujtoj mamin tim unë nuk do qaj por do jem krenare për personin, heroinën që më rriti. Dhe sado që unë nuk besoj në Zot unë besoj që ajo tani është një engjëll që na ruan sepse e tillë ishte dhe gjallë. Dhe ne do ja dalim do e bëjmë krenare dhe do bëhemi të denjë që të quhemi fëmijët e saj. Sepse ajo është forca jonë dhe pse nuk është më mes nesh.
Faleminderit të gjithëve që na u gjendët pranë
– Vajza e Fildes Hafizit( Fil Des) MELISA HAFIZI/revistawho.com