Ish çifti i njohur është fotografuar gjatë një feste të organizuar për Vitin e Ri në Down Under, duke bërë kështu që mediat rozë të pushtoheshin me lajmin se Miley Cyrus dhe Liam Hemsworth janë rikthyer përsëri bashkë.
Këngëtarja e muzikës pop ka vendosur të udhëtojë drejt Byron Bay, një vend shplodhës bregdetar për të takuar ish të fejuarin e saj, vëllain dhe familjen e tij. Sipas raportimeve, ish-çifti ka mbërritur të shtunën në mbrëmje vonë për të parë performancën e Disclosure në “Falls Festival”.
Një burim për “Gold Coast Bulletin” ka raportuar: “Ata përfundimisht janë kthyer përsëri bashkë pasi janë parë gjatë gjithë kohës duke u përqafuar dhe puthur. Kishte shumë dashuri mes tyre”.
Miley dhe Liam janë njohur me njëri-tjetrin gjatë xhirimeve të filmit “The Last Song”, në 2010 dhe u fejuan në maj 2012 por në shtator 2013 çifti i dha fund fejesës.
