Për Filloreta Raçin dita e sotme është disi e veçantë pasi është nderuar me një çmim nga Komuna e Prishtinës. Këngëtarja është vlerësuar për arritjet në muzikë dhe kontributin e saj. Me rastin e shënimit të 555 vjetorit të heroit kombëtar Gjergj Kastriot Skënderbeu, Komuna e Prishtinës ndau disa çmime mirënjohjeje dhe një prej tyre ju dha këngëtares së njohur.
“Për kontributin shumëvjeçar në ngritjen e urave të bashkëpunimit dhe forcimin e lidhjeve mes Kosovës e Shqipërisë në aspektin, arsimor, kulturor, artistik, social, edukativ dhe shkëmbimin e përvojave në krijimin e lidhjeve të qëndrueshme”,-shkruhej në foton e publikuar nga Fifi, me çmimin përkatës. Muzika që këngëtarja ka krijuar mesa duket ka nisur të vlerësohet edhe në këtë formë, krahas mbështetjes së publikut./revistawho.com
