Javët e para të shtatorit na krijuan idenë sikur ishim ende në verë. Temperaturat e larta dhe dielli na shoqëruan thuajse çdo ditë. Madje shumë njerëz vazhduan të bënin edhe plazh.
Por kjo situatë nuk do të vazhdojë më pasi vjeshta më në fund do të vijë. Sipas “Meteoalb” java tjetër do të ketë rënie të ndjeshme të temperaturave duke shkuar mesatarisht me 6 gradë.
“Java që vjen sjell rënie të theksuara të temperaturave në të dy ekstremumet termike të ditës, ku vlerat minimale në rang territori ulen deri në 6°C ndërsa maksimumet nga 34°C gjatë këtyre ditëve, do ulen në 25 – 26°C”,- shkruan “Meteoalb”. /revistawho.com
