Alban Skënderaj dhe Miriam Cani janë një nga çiftet më të dashura për publikun shqiptar. Për pak ditë Albani do të shfaqet në një koncert recital, i cili do të jepet për tre ditë rresht. Gjatë këtyre kohëve ai ka filluar një përgatitje shumë intensive me orkestrën e RTSH, sepse çdo këngë do të sillet në një version të ri. Por Albani nuk është i vetëm gjatë provave, sepse Miriami është mbështetësja e tij më e madhe. Ditën e sotme ajo ka postuar disa fotografi nga provat për koncertin. Pavarësisht gjithë lodhjes që mund të ketë Albani në krahët e Miriamit duket shumë i lumtur.
Ata të dy së bashku kanë realizuar edhe disa këngë, ku mund të përmendim këtu: ‘Let me die with you’, ‘Ende ka shpresë’ dhe së fundmi dhe ‘Dhurata’ një dedikim plot dashuri për vajzën e tyre. Prandaj do të ishte shumë mirë nëse në këtë koncert Albani dhe Miriami do të sillnin në një version të ri një nga këngët e tyre. /revistawho.com
