“Miss Universe Albania & Kosovo”, rikthehen në skenë si prezantuese Adrola Dushi dhe Xhesika Berberi

Në datë 18 shtator pritet të mbahet mbrëmja gala e ‘Miss Universe Albania & Kosovo 2020’ në orën 20:00 në ambientet e ‘Adorions Palace’.
Kjo mbrëmje pritet të bëjë bashkë më të bukurat e Shqipërisë dhe Kosovës për të kurorëzuar më pas vajzat që do të përfaqësojnë Shqipërinë dhe Kosovën në kompeticionin ‘Miss Universe’.
Drejtimi i mbrëmjes gala i është besuar dy modeleve të njohura shqiptare, Adrola Dushit dhe Xhesika Berberit, të cilat do të bëhen bashkë me moderatorin Alaudin Hamiti në këtë rrugëtim që me siguri do t’i ngjallë shumë kujtime.
Dy bukuroshet shqiptare do të jenë moderatoret e mbrëmjes që do të sjellë shumë surpriza për audiencën, midis tyre dhe performanca me muzikë ‘live’ nga artistët e njohur si Ledina Çelo, Flori Mumajesi, Bruno, Anxhela Peristeri, Xheni Hasanaj, Mateus Frroku dhe Klajdi Haruni.
Kujtojmë se si Berberi ashtu edhe Dushi e kanë fituar këtë kompeticion, përkatësisht në vitet 2011 dhe 2012, duke u zgjedhur si vajzat më të bukura shqiptare, e për të vazhduar më pas karrierën si modele në Amerikë. Berberi ka qenë edhe më herët drejtuese e spektaklit “Duartrokitje” në “Agon Channel”, ndërsa Dushi ka drejtuar edicionin festiv të programit “Mirage” në Kosovë.
Ndër emrat që kanë përfaqësuar Shqipërinë në ‘Miss Universe’ ndër vite kanë qenë dhe Angela Martini, Anisa Kospiri, Eralda Hitaj etj. Përfaqësuesja e fundit e tij ka qenë Cindy Marina vetëm 1 vit më parë./revistawho.com