Më 15 prill 2025, Kristina Baki përjetoi për herë të dytë një nga emocionet më të mëdha të jetës: lindjen e fëmijës së saj të dytë. Modelja dhe nëna e përkushtuar ka sjellë në jetë një vajzë të shëndetshme dhe plot dritë, të cilën ka zgjedhur ta quajë Meisi – një emër i veçantë që ngjalli menjëherë kuriozitet dhe dashuri tek ndjekësit e saj.
Edhe pse lindja ndodhi një javë më parë, lajmin e bukur Kristina e ndau me publikun vetëm sot përmes një postimi emocionues në rrjetet sociale. Me fjalë që prekën zemrat e shumë ndjekësve, ajo shkroi:
“Mirëseerdhe në jetë vajza ime Meisi! Në datën 15.04.2025 Zoti më bekoi me mrekullinë e dytë dhe zemrën e kam plot.”
Bashkangjitur mesazhit të ndjerë, Kristina publikoi edhe disa foto të mrekullueshme nga momentet e para pas lindjes.
Tashmë, Kristina është nënë e dy vajzave dhe ka folur më parë me shumë sinqeritet për mënyrën se si amësia i ka ndryshuar jetën – duke e bërë më të ndjeshme, më të fortë dhe më falënderuese për çdo bekim që sjell jeta.
