Duke qenë se është një nga moderatorët më të rinj, mediat dhe portalet duan të dinë gjithmonë e më shumë për jetën e tij jashtë kamerave, por duket se Flori e ruan mirë këtë pjesë. Në rrjetet e tij sociale, ai poston shumë rrallë foto apo video që nuk lidhen me profesionin e tij, apo ndonjë projekt të ri televiziv. Ditën e sotme, Flori e ka thyer këtë ‘rregull’ për t’i bërë një dedikim personit që duket se ishte më i dashuri për të, por që tani nuk jeton më, gjyshja. Ai ka publikuar një foto në ‘Instagram’ ku shfaqet i shtrirë në prehrin e gjyshes, teksa ajo i bën një masazh. “Kohët e fundit, e kemi pasur shumë të rallë ritualin tonë të masazhit, por e ndjej prekjen tënde gjyshe. Do më mungosh”, shkruan Flori krahas fotos, shoqëruar me një ‘emoji’ zemre të thyer. Mesa duket, ai dhe gjyshja e tij kanë pasur një lidhje shumë të veçantë dhe moderatori nuk e ka përjetuar aspak mirë humbjen e saj./revistawho.com
https://www.instagram.com/p/B0F4A4RA8HR/?igshid=1leeywee2ss4s
