Dasma e Orinda Hutës dhe Turjan Hyskës ishtë një nga momentet më të përfolura të këtyre ditëve. Organizimi madhështor si dhe atmosfera e këndshme e kanë bërë të paharrueshme jo vetëm për dyshen simpatike por dhe për publikun gjithashtu. Turi dhe Orinda momentalisht gjenden në Amsterdam që ka qenë pikënisja e udhëtimit të tyre 25-ditor për muaj mjalti. Ndonëse gjithçka shkoi për mrekulli, një pishman i vogël po e mundon Orindën. Jemi mësuar gjithmonë ta shohim si një barbie me flokët bjonde e sy blu por moderatorja simpatike ka menduar të bëjë një ndryshim në look-un e saj. Ajo ka lyer flokët në një ngjyrë si “karrotë”. Në foton e postuar në “Instagram” shkruan: “Për fiksim, hera e parë dhe e fundit që ndodh”. Orinda është një kukull edhe kështu, por ne e duam sërish me flokë bjondë./ revistawho.com
