Marrëdhënia e Monikës dhe Ilirit në shtëpinë e BBV ka pasur ulje dhe ngritjet e saj, por u duk se me finalizimin e spektaklit pati qetësim të gjakrave mes tyre. Dje, dy konkurrentët patën përballjen e parë publike në “Post Big Brother VIP”, ku Monika tha se është zhgënjyer disa herë nga balerini, por gjërat i kanë diskutuar dhe i kanë lënë pas.
E pyetur nga Arbana se çfarë do të bënte ndryshe, nëse do të ripërsëritej kjo eksperiencë, Monika tha:
“Do t’i jepja akoma kohë Ilirit që të njihte Monikën, jam po e njëjta dhe jashtë kësaj loje”.
Ndërsa për vazhdimësinë e raportit mes tyre përgjigje ishte ca e pakuptueshme. “Pavarësisht si janë ngritur opinionet edhe brenda dhe jashtë, për mua ka rëndësi Monika dhe Iliri, si është Monika për Ilirin dhe si është Iliri për Monikën”, u përgjigj aktorja për t’i vënë vulën diskutimit./revistawho.com
