Ditët e fundit, Morena Taraku ka treguar se ndodhet në Shqipëri për të xhiruar projektin më të ri muzikor në bashkëpunim me mikun e saj, reperin Stresi.
Këngëtarja ka ndarë në llogarinë e saj momente të ndryshme gjatë përditshmërisë, ndërsa pak minuta më parë ajo ka zbuluar dhe një prej pamjeve që do të shfaqet në klipin e radhës.
Taraku shfaqet në videon në ‘Instastory’ me flokët e qethur dhe me ‘makeup-in’ e kuruar deri në detaje. Siç duket dhe nga postimet e ndryshme, puna për bashkëpunimin e dy këngëtarëve ka nisur dhe do të publikohet në javët në vazhdim.
Stresi dhe Morena nuk kanë saktësuar ende një datë, por me siguri ky projekt nuk do të vonojë shumë, pasi fansat e dyshes janë në pritje të tij./revistawho.com
