Mori miliona dollarë dëmshpërblim, Vanessa Bryant i çon paratë për bamirësi

Vanessa Bryant ka vendosur t’i çojë për bamirësi paratë pas fitores së saj ligjore kundër ‘Los Angeles County’ mbi publikimin e fotove të shkrepura në vendin e rrëzimit të helikopterit ku ata vdiqën. Lajmin e bëri të ditur avokati i saj, i cili tha se Vanessa ka në plan të dhurojë të ardhurat nga gjyqi prej 16 milionë dollarësh që fitoi këtë javë për fondacionin jofitimprurës ‘Mamba and Mambacita Sports’. Organizata bamirëse ofron edukim sportiv për atletët. Kobe Bryant humbi jetën në vitin 2020, kur helikopteri në të cilin ai ndodhej me vajzën dhe shtatë persona të tjerë u rrëzua në një kodër në Calabasas, Kaliforni. Vanessa paditi departamentin e policisë së Los Angeles, duke pretenduar cënimin e privatësisë dhe shqetësimin emocional, duke pretenduar se ata ndanë foto të paautorizuara të viktimave në vendin e përplasjes. Më 24 gusht, Gjykata vendosi në favor të saj unanimisht, duke i dhënë asaj 16 milionë dollarë dhe 15 milionë dollarë bashkë-paditësit Chris Chester, gruaja e të cilit Sarah dhe vajza Payton, ishin në mesin e të vrarëve në aksident.