Sipas Kodit Rrugor është e ndaluar ta ulësh fëmijën poshtë 12 vjeç në sediljen e parme. Por sa zbatohet ky rregull? Mesa duket jo aq shumë. Shpesh sheh fëmijët të ulur në sediljen e parme dhe prindërit që i mbajnë në prehër, duke mos përdorur sexholinon që është e domosdoshme. Nisur nga shkeljet që janë hasur së fundmi, Policia e Shtetit ka bërë me dije edhe penalizimet që do të merren në rast të kësaj shkeljeje. Gjoba shkon deri në 15 mijë lekë dhe pezulimi i lejes së drejtimit deri në 12 muaj.
“ Fëmijët deri në 4 vjeç duhet të ulen vetëm në sediljen e pasme dhe t’u vendoset sistem fiksimi! Fëmijët deri në 12 vjeç mund të ulen në sediljen e parme, vetëm nëse u vendoset sistem fiksimi! Mosrespektimi i këtyre rregullave, të parashikuara në nenin 170 të Kodit Rrugor, ndëshkohet me gjobë 5.000 – 15.000 lekë të rinj dhe pezullim të lejes së drejtimit nga 6 deri në 12 muaj”, thuhet në njoftimin e policisë.
