Lidhja e këngëtares së njohur, Miley Cyrus me Cody Simpson ka qenë kryefjala e mediave rozë, kjo pasi ndodhi fill pas ndarjes së 26-vjeçares nga modelja Kaitlyn Carter dhe ish-i fejuari i saj prej 10 vitesh, Liam Hemsworth. Miley është shprehur vazhdimisht se ndihet mjaft mirë pranë Cody-t, duke lënë kështu në të shkuarën historitë e mëparshme të dashurisë.
Së fundmi në një lidhje ‘live’ të bërë me fansat e saj në ‘Instagram’, Cyrus ka pohuar se Simpson është i vetmi mashkull i mirë që ka njohur deri më tani. Kjo deklaratë e saj ka shkaktuar reagime të shumta të ndjekësve, të cilët kanë vënë në pikëpyetje faktin nëse kjo është një ‘kunjë’ e hapur për Hemsworth.
Pavarësisht këtij fakti, Miley nuk ka kthyer asgjë mbrapsht nga ato që ka thënë, pasi ndihet mjaft mirë me Cody-n. Nga ana tjetër disa ditë më parë, ne media u zbulua dhe fakti se Liam kishte nisur një lidhje të re dashurie.
Ndaj fansat e kanë mjaft të vështirë për të dalluar nëse këto janë sjelljet reale të yjeve ndërkombëtarë, apo gjithçka është thjesht një lojë e stisur për inat të njëri-tjetrit./revistawho.com
