Një lajm i trishtë vjen për një nga aktoret më të njohura, Irene Papas. Aktorja me origjinë shqiptare e famë botërore ka ndërruar sot jetë në moshën 96-vjeçare. Irene njihej si greke, por gjatë bashkëbisedimeve që ka pasur me aktorin shqiptar Bekim Fehmiu, me të cilin ka luajtur në filmin legjendar “Odissea”, ajo e ka pranuar origjinën e saj shqiptare. Gjatë xhirimeve të filmit në vitin 1968, në momente pushimi të dy aktorët kanë qenë duke biseduar në një gjuhë që nuk ishte e askujt tjetër nga trupa e filmit. Aty Irene zbuloi se është shqiptare. “Unë nuk mund ta lë këtë botë duke mos e thënë të vërtetën. Unë jam shqiptare. Kam lindur në vitin 1926 dhe mbiemri im fillimisht ka qenë Leleku”, ka thënë ajo.
