Legjenda e futbollit Pele ka ndërruar jetë në moshën 82-vjeçare.
Detajet nuk janë bërë ende të ditura, por ish-sportisti gjendej prej një muaji i shtruar në një spital në Sao Paulo, Brazil ku trajtohej nga kanceri në zorrë.
Lajmi është bërë i ditur nga agjenti i tij, Joe Fraga për “Associated Press”.
I njohur si një nga futbollistët më të mëdhenj, Pele mahniti fansat dhe kundërshtarët si golashënuesi më i spikatur i ekipit brazilian Santos dhe kombëtares.
Prezenca e Pele në historinë e futbollit në tre dekada ndihmoi Brazilin të fitonte 3 Kupa Bote në vitet 1958, 1962 dhe 1970. I shpejtë dhe i zhdërvjelltë, cilësi që i spikatën gjatë karrierës së tij 22-vjeçare, ai luajti në më shumë se 1300 ndeshje dhe shënoi thuajse po kaq gola.
