Hailey Bieber më në fund ka sqaruar gjithçka për lidhjen e saj me Justin Bieber, pas akuzave të shumta se ajo u bë shkaktare e ndarjes së këngëtarit nga Selena Gomez. Shkak i këtyre akuzave u bë fakti se Justin dhe Hailey u lidhën bashkë në një kohë kur të gjithë mendonin se ai ishte ende me Selenën. Por në një intervistë së fundmi, Hailey ka treguar se ajo dhe Justin kanë qenë beqarë për një kohë të gjatë.
“Ndryshe nga çfarë mendojnë njerëzit, Justin ka qenë beqar për një kohë të gjatë dhe unë gjithashtu isha beqare. Njerëzit nuk e dinë se ne kemi qenë duke folur përpara se të lidheshim. Gjithçka ndodhi shumë shpejt, këtë e dinë të gjithë”-tregoi Hailey.
Gjithsesi romanca e dyshes, ndikoi tek Selena, e cila asokohe publikoi këngën “Lose You to Love Me”, në të cilën këndonte: “Në dy muaj ti më zëvendësove kaq lehtë”.
Hailey ka patur sulme të shumta në rrjete sociale nga fansat e Selenës, të cilët e kanë akuzuar për ndarjen e Bieberit dhe Gomezit – një prej çifteve më të komentuar të showbizit. Megjithatë duket se tani çdo gjë është sqaruar dhe Hailey e Justin vazhdojnë jetën e tyre martesore shumë të lumtur.
