Blendi Fevziu është padyshim një nga gazetarët më të mirë në vendin tonë. Prej vitesh ai drejton programin ‘Opinion’, i cili prek tema të aktualitetit, sociale dhe politike. Siç mund ta keni vënë re, sidomos nëse jeni ndjekës të rregullt të programit, moderatori rri gjithmonë në këmbë gjatë prezantimit, pavarësisht kohëzgjatjes së programit. Të vetmet raste kur ai i zhvillon intervistat i ulur janë kur përballë ka vetëm një të ftuar, në të shumtën e rasteve personalitete të rëndësishme.
Blendi dallohet edhe për lëvizjet e natyrshme gjatë moderimit, por ditët e fundit ai është parë në këmbë vetëm në hapje të emisionit, ndërsa në vazhdimësi ka qëndruar ulur dhe pa lëvizur. ‘Bordo’ ka arritur të marrë një prononcim të vetë moderatorit për këtë detaj. Ai është shprehur se ka qenë sëmurë prej ditësh dhe disa emisione i ka prezantuar edhe pse ka qenë me temperaturë të lartë.
Siç edhe kuptohet, ndryshimi nuk do të jetë i përhershëm. Sapo problemet shëndetësore të Fevziut të kalojnë, gjithçka do i kthehet normalitetit. / revistawho.com
