Ka shumë mënyra sesi mund të bësh para në TikTok në mënyrë direkte dhe indirekte. Ndër të parat dhe më të dukshmet sidomos së fundmi është ajo e videove live. Ata që kanë më shumë se 10 mijë ndjekës dhe janë mbi 18 vjeç, mund të nisin një lidhje live duke ju bashkuar programit të TikTok Live Stream dhe marrin dhurata virtuale nga ata që hyjnë. Dhuratat kthehen automatikisht në diamante të cilët kreatori (personi që ka llogarinë) mund t’i konvertojë në para të vërteta.
Një tjetër mënyrë që gjithashtu funksionon edhe në Instagram është të bashkëpunosh me brands që interesohen të reklamojnë në faqen tënde. Duke përdorur numrat që ke në llogari, reklamon ose komunikon shërbime të caktuara nëpërmjet pagesës apo sponsorizimeve.
Vetë TikTok ka premtuar këto dy vite të investojë 200 milionë dollarë për ata persona që tregojnë se mund të rriten shpejt, janë kreativ dhe zbatojnë rregullat e platformës.
Por që të përfitosh nga vetë shpërblimi i TikTok duhet të jesh banues në: Mbretërinë e Bashkuar, Gjermani, Itali, Francë ose Spanjë./revistawho.com
