Alban Skënderaj dhe Miriam Cani janë një nga çiftet më të pëlqyera të showbiz-it shqiptar. Ata gjithmonë e shprehin dashurinë që kanë për njëri-tjetrin, qoftë kjo në televizion apo nëpërmjet dedikimeve të ëmbla në rrjete sociale. Ditën e sotme, Miriam feston ditëlindjen e saj dhe sigurisht nuk mund të mungonte një urim publik nga Albani. Në foton ku shfaqen duke u përqafuar, këngëtari shkruan: “Çdo fjalë më shumë do ishte e tepërt. Dashuria për ty nuk përshkruhet dot me fjalë. Gëzuar ditëlindjen bashkëshortja ime”. Kaq mjaftoi që fansat e tyre të ‘shpërthenin’ në komente, ku më së shumti uronin Miriam për ditëlindjen e saj. Kujtojmë se pak ditë më parë, çifti dha lajmin se ishin martuar në fshehtësi gjatë pushimeve në Maldives./revistawho.com
https://www.instagram.com/p/ByFMHzvgVxl/?igshid=k589d7s9z8xr
