Këngëtarja Eni Koçi, e martuar me Genc Prevlukajn, me të cilin ka një vajzë, ka ndarë për herë të parë detaje mbi raportin e saj me djalin e bashkëshortit nga martesa e tij e parë, Gjinin.
Ajo e përshkroi marrëdhënien mes tyre si të harmonishme dhe e konsideron atë si një shok.
“Ai është tip shumë, ka një lloj autoriteti, ka formuar një karakter, nuk bëhet pjesë e lojës kollaj, por zakonisht jemi grup kundër Gencit. Është fantastik, kam një raport shumë të mirë, e kam si shok,” tha Eni.
Këngëtarja shtoi se Gjini është një pjesë e rëndësishme e jetës së saj dhe se harmonia mes tyre ka qenë prezente që në fillim.
“Është një person shumë i rëndësishëm tashmë në jetën time kështu që jam shumë e lumtur që që prej fillimit kemi pasur një harmoni shumë të madhe mes nesh, por sigurisht mes gjithë familjes në këtë rrethanë,” u shpreh ajo.
Nga ana tjetër, Genc Prevlukaj tha se, edhe pse djali i tij është tashmë në universitet dhe punon, ai ende e sheh si “të vogël.”
“Unë e them shpesh, është edhe njëfarë lloj investitori në qetësinë tonë sepse është djalë i matur shumë, punon, është në fakultet. Unë e ngatërroj, them është djali im i vogël apo djali,” tha ai në “The Elite Way.”
