Hapësirat ku mund të shprehim veten janë të dimensioneve të ndryshme. Në qoshe ku imagjinata nuk shkon menjëherë, më vonë kuptojmë se aty mund të qëndrojmë përgjithmonë. Rrjetet sociale tanimë nuk janë qosh, janë hapësirë gjigande ku shumë gjejnë veten. Në një mënyrë ose tjetër, panorama e frymëzimeve dhe kreativitetit është oqean. Dhe kur flasim për kreativitet dhe rrjete sociale, teksa nis të mendosh emra, mes tyre dallon një djaë të talentuar, Grines Fezollarin. Videot e tij të famshme në TikTok zënë vend “on top”, mes humorit, argëtimit dhe sigurisht, jo vetëm kaq. Teksa bën një “scroll” në profilin e tij në “Instagram”, dora të ndalon aty, në videon me Ronela Hajatin. Dhe pooo, ai djali imazhi i cilit shihni në videoklipin e këngëtares me më shumë se 6.5 milionë shikime në “Youtube”, është Grines. Nuk ka shumë për të thënë kur ka shumë për të bërë dhe Grines çdo ditë po ndërton një shkallë. Mbetet për tu parë ku do ta shohim sërish djaloshin e 100 talenteve.
Kujtojmë se Ronela Hajati rrëmbeu çmimin e parë në edicionin e 20-të të “Netët e Klipit Shqiptar”, që u zhvillua pak ditë më parë në Ulqin, Mal të Zi.
