Ditët e fundit klani Kardashian janë rikthyer sërish me dramat e tyre të dashurisë e këtë herë në vëmendje ka qenë Kimi. Menjëherë pas lajmit të divorcit të saj nga Kanye, nisi të përflitej se reperi e ka tradhtuar atë me grimierin Jeffree Star. Ky i fundit e mohoi këtë, por hodhi një kunjë ndaj Kris Jennerit, nënës së Kimit duke u shprehur se ajo mund ta ketë orkestruar të gjithë këtë.
Ndërkohë Kim nuk ka ndërmend të reagojë për këto lajme sepse e ka hallin tjetërkund. “Keeping up with Kardashians” xhiroi episodin e fundit dhe Kim publikoi disa video nga prapaskenat.
Ajo i shoqëroi postimet me emoji që qan duke treguar sa e mërzitur është që reality show po mbaron.
“Keeping up with Kardashians” ka nisur që prej vitit 2007 dhe zbuloi shumë për jetën e klanit Kardashian, të cilat janë gjithmonë me një lajm të ri e me një skandal të ri.
View this post on Instagram
