Për të pasur një shans me Angelina Jolie duhet të plotësoni një sërë standardesh.
Jolie së fundmi është zhvendosur në Nju Jork dhe është parë nëpër qytet me dy fëmijët e saj, Pax dhe Zahara. Së fundmi ajo ka planifikuar të lançojë një kolektiv të markës së modës ‘Atelier Jolie’ dhe po kërkon një apartament në Manhattan për të menaxhuar operacionet për kompaninë.
“Angelina planifikon të ndajë kohën e saj mes Los Angeles dhe NYC”, tha një burim për Life and Style Magazine.
“Ajo me të vërtetë lulëzon me aktivitetin dhe lëvizjen, dhe është e emocionuar që ndodhet në një nga qytetet më të mëdha në botë.”
Ndarja e Jolie nga Brad Pitt ishte problematike duke pasur parasysh faktin se ajo duhej të qëndronte pranë Los Angeles-it në mënyrë që të dy të mund të vazhdonin të ishin bashkë prindër.
Megjithatë, me një betejë për kujdestarinë mbi fëmijët e tyre të vegjël që tani është zgjidhur, aktorja po kërkon të kthehet në skenën e takimeve dhe të gjejë një partner të ri.
“Ajo dëshiron të takojë njerëz interesantë që janë të apasionuar pas artit. Ajo po kërkon të takohet me dikë që është në përputhje me standardet e saj, edhe nëse ato janë jashtëzakonisht të larta.”, tha burimi pranë aktores.
