Bota në vitet ’80 njjohu disa nga lëvizjet më të mëdha politike e njerëzore. Ndërsa arti arriti kulmin e tij sërish në atë kohë. E ndërsa bota kujton disa nga detajet më të rëndësishme në histori, në Shqipëri gjendja nuk ka qenë njësoj. Më tej po ju kujtojmë çfarë ndodhi nëpër botë, e në fund në Shqipëri gjatë atyre viteve.
Nga vitet ’80, kujtohet muzika, filmat dhe TV. Të gjithë zhanerët e asaj kohe bënë më të mirën dhe kanë lënë gjurmë në histori.
Gratë thyen barrierat dhe hodhën një hap të madh para për barazinë gjinore dhe diferencimet.
Moda mori një tjetër frymë gjatë atyre viteve. Pati risi në stil, veshjet ishin përgjithësisht të bukura, madje disa prej tyre po rikthehen tani.
Një nga detajet që është konsideruar gjithashtu e shëmtuar kanë qenë supet fryra tek xhaketat apo bluzat.
Por modelet e flokëve ishin gjëja më skandaloze që ka parë ndonjëherë bota dhe jo vetëm tek vajzat e gratë, por edhe tek burrat. Vitet ’80 na kujtojnë vetëm imazhe të tilla…
Ndërsa në muzikë, mjafton të themi që në 1984-ën pati shpërthimin Madonna dhe Bon Jovi e Michael Jackson. Më tej kemi shkëlqimin e bandave: Guns N’ Roses, U2, Scorpions, The Rolling Stones dhe Queen.
Por kjo nuk do të thotë që shqiptarët janë nostalgjikë për këto vite. Ngjarjet e botës i njohën pas viteve ‘90 kurse nga ajo kohë në një pyetësor të zhvilluar nga Who, kanë kujtuar radhët e gjata për të blerë, mungesat e mëdha dhe në vend të modës bluzat sintetike dhe kostumet e teritalit.
