E ëma e Ermal Mamaqit u shfaq për herë të parë mbrëmjen e kaluar në emisionin ‘Xing me Ermalin’. Siç theksoi moderatori i njohur edhe pse ka 3 vite që transmetohet ‘Xing me Ermalin’, mamaja e tij nuk kishte ardhur asnjëherë në studio, deri dje kur u ftua Arilena Ara. Duke qenë se në ditën që transmetohet programi i njohur televiziv, zonja Luli kishte ditëlindjen, djali i saj kishte zgjedhur ta surprizonte në prani të Arilenës. “Këtu kemi një fanse të madhe tënden dhe të këngës ‘Nëntori’. Ka ardhur sot për herë të parë në studion time dhe ditën që emisioni do të transmetohet ajo feston ditëlindjen. Ka ardhur mamaja ime”,-tha Ermali.
E ëma u surprizua shumë teksa kamera u drejtua tek ajo. Së bashku me Arilenën, Ermali i këndoi këngën e ditëlindjes dhe i dhuroi një tufë me lule dhe një zarf me para si ‘qokë’ nga ai dhe vëllai.
Zonja Luli u shfaq e përlotur nga emocionet, ndërsa Ermali e falenderoi me pak fjalë për gjithçka ka bërë për të./revistawho.com
