Lindja e fëmijës së Meghan Markle dhe Princit Harry po pritet në mbarë botën dhe pak nga pak kjo ditë po afron. Së fundmi është mësuar se për këtë arsye ka mbërritur në Angli edhe nëna e Meghan, Doria Ragland. Ajo ka udhëtuar nga Los Angeles drejt Londrës për të pritur lindjen e fëmijës së parë të vajzës së saj dhe Princit Harry. Pavarësisht se pak ditë më parë u tha se Meghan ka lindur, kjo vërteton edhe njëherë se lajmi nuk ishte i vërtetë. Gjithashtu ditën e sotme e gjithë familja mbretërore u shfaq për të festuar Pashkën në kishë, ndërsa Meghan mungoi. Të gjithë filluan të nxirrnin arsyetime të shumta, derisa u zbulua se ajo ka munguar për shkak të shtatzënisë. Dukesha pritet që të lindë në fund të muajit prill ose në fillim të majit, por lajmi për gjithë botën do të bëhet publik disa ditë pasi ajo të sjellë fëmijën në jetë. /revistawho.com
