Amber Candy ka ndarë një histori prekëse gjatë intervistës së saj të parë pas daljes nga shtëpia e Big Brother VIP Albania.
Amber zbuloi se në ato ditë të qëndrimit në program, mamaja e saj pësoi një atak kardiak. “Kam pasur një ndjesi, e provon vetëm fëmija me nënën. Mamaja ime ka kaluar një atak kardiak kur unë kam qenë brenda,” tha ajo, duke shtuar se produksioni ishte në dijeni të situatës.
Pavarësisht kësaj, nëna e saj kishte bërë një kërkesë të veçantë: “Nëna ime ka thënë se ai fëmijë ka vuajtur shumë, ju lutem mos ja ndërprisni ëndrrën. Tani shyqyr është mirë. Ka qenë shumë e kënaqur me mua.”
Amber, me lot në sy, tregoi se ishte penduar që doli vullnetarisht nga shtëpia duke e quajtur vendimin e saj një gabim.
