Anna Bey, konsulente imazhi dhe influencere e cila i mëson vajzave dhe grave sesi të duken elegante dhe me klas, së fundmi ka dhënë 10 këshilla shumë të vlefshme që çdonjëra duhet t’i ketë parasysh.
1.Nëse jeni bjonde, kurrë mos mbani tone të verdha ose portokalli në flokët tuaj. Nëse doni të dukeni me klas dhe me nivel, sipas Annës flokët tuaj duhet të mbajnë një ngjyrë dhe rrënja e flokut nuk duhet të duket.
2.Mos mbani lidhëse flokësh rreth kyçit. Edhe pse është një detaj i vogël, Anna thotë se diçka e tillë e ul nivelin e një vajze që do të duket klas.
3.Kujdes me fondatinën. Anna sugjeron të zgjidhni me kujdes fondatinën që do të vendosni në fytyrë në mënyrë që të përshtatet me ngjyrën e lëkurës suaj dhe jo të bëjë kontrast me qafën.
4.Anna thotë se një vajzë me klas nuk duhet t’i ketë kurrë majat e flokëve të djegura këshu që sugjeron t’i prisni sa më shpesh tek parukierja. “Sado që ti duash flokët e gjata, më beso do dukesh më me nivel dhe me klas nëse i pret ato majat e djegura”-shprehet Anna.
5.Kujdes me sjelljen. Vajzat shpeshherë përqëndrohen tek pamja, por harrojnë sesi flasin, si lëvizin, si sillen etj. Anna këshillon të silleni me elegancë përndryshe sado bukur dhe me klas të jeni veshur, gjithçka humbet.
6.Kujdesuni për higjenën e gojës. Kur flisni, sytë e dikujt shkojnë menjëherë tek buzët dhe goja prandaj dhëmbët tuaj duhet të jenë të kuruar dhe të pastër.
7.Është shumë e rëndësishme se çfarë parfumi përdorni prandaj Anna këshillon të shpenzoni për një parfum të mirë që do t’ju bëjë të dukeni prej një shtrese të lartë.
8.Kujdes me disa detaje, si për shembull ka ikur koha e lëkurës së nxirë apo e buzëve rozë ngjyrë të hapur .
9.Anna këshillon të mos i trashni shumë vetullat. Vetullat duhet të përshtaten me fytyrën tuaj si në formë, edhe në ngjyrë.
10.Dhe e fundit kujdesuni për thonjtë tuaj. Nëse nuk preferoni t’i bëni në një sallon, atëherë mund t’i lyeni vetë në shtëpi.
