Lori Hoxha është ndër të paktat përsonazhe publike që flet hapur për një problem nga i cili vuajnë shumë njerëz: ankthi dhe atak paniku. Në një prej postimeve të fundit, Lori tregon një nga eksperiencat më të këqija, kur ndodhej në Milano për dasmën e Sarës dhe përjetoi një krizë paniku.
Lori tregon se ndodhej në një restorant, kur u çua papritur dhe doli në rrugë duke qarë.
“Verë 2018. Ne ishim duke organizuar dasmën e motrës sime dhe ishim në Milano. Më kujtohet kjo ditë, sepse kisha dridhje në gjithë trupin dhe më dukej sikur dridhesha, por në fakt nuk po më ndodhte kjo gjë. Po përpiqesha shumë fort që të isha prezente. Atë mbrëmje shkuam për darkë në Nobu dhe po përdorja shkopinj dhe njëri prej tyre më ra nga dora dhe po mendoja se kisha goditje në tru, kështu që u ngrita, u largova dhe fillova të qaja në rrugë. Kjo zgjati deri në tetor, kur lëviza në Londër. Kam pasur vetëm 2 atak paniku që atëherë”, ka treguar Lori duke shtuar se asokohe dëshironte vetëm të ndjente që nuk ishte vetëm dhe ajo që po kalonte ishte normale.
