Kush do ta kishte menduar? Ata miqtë që të bëjnë të presësh 20 minuta në çdo takim – dhe që ti ndonjëherë do të doje t’i tërhiqje nga veshi – mund të jenë ata që do t’i shijojnë më shumë jetëgjatësinë dhe suksesin.
Për breza me radhë, vonesa është parë si një ves i keq: prindërit të qortonin, shefat të hiqnin nga paga, dhe librat e vetëndihmës të premtonin se do të të “shëronin” nga kjo. Por çfarë ndodh nëse gjithçka që kemi besuar për vonesën është e gabuar?
Lodhje nga orari? Jo, faleminderit!
Studime nga universitete prestigjioze kanë zbuluar se tiparet që të bëjnë të vonohesh – si relaksimi ndaj kohës, optimizmi dhe perfeksionizmi – lidhen me jetëgjatësi, shëndet më të mirë dhe sukses në karrierë. Kur nuk stresohesh nga oraret, zemra jote është më e shëndetshme, tensioni më i ulët dhe gjendja shpirtërore më e mirë.
Optimizmi i “pamundur”
Sipas Diana DeLonzor, shumë nga ata që vonohen thjesht janë tepër optimistë: mendojnë se mund të bëjnë gjithçka përpara se të ikin, edhe kur është fizikisht e pamundur. Dhe ja surpriza: ky optimizëm, thotë edhe Harvard, të zgjat jetën dhe të bën më të suksesshëm.
Perfeksionistët e fshehtë
Disa vonohen jo se janë dembelë, por sepse nuk dalin nga shtëpia pa lënë gjithçka në rregull. Në punë, kjo kthehet në avantazh: detajet që ata vëzhgojnë mund të bëjnë diferencën.
Humbja e ndjenjës së kohës = pasion
Kur humb ndjesinë e kohës sepse je i zhytur në një aktivitet, kjo është shenjë pasioni. Dhe pasioni është një nga sekretet e mëdha të suksesit, nga Steve Jobs te Oprah.
Ora biologjike ndryshe
Shkencëtarët kanë zbuluar se disa njerëz – tipat më kreativë dhe të relaksuar – e ndiejnë kohën ndryshe. Një minutë për ta duket si 77 sekonda. Kjo shpjegon pse shpesh besojnë se kanë më shumë kohë sesa në të vërtetë.
Mesazhi final?
Ndoshta “me vonesë” nuk është gjithmonë një të metë. Mund të jetë shenjë shëndeti, suksesi dhe energjie pozitive. Sigurisht, respekti për kohën e të tjerëve është i rëndësishëm – por ndoshta ia vlen ta shohim me sy tjetër mikun që gjithmonë mbërrin pak më vonë.
