Pushimet janë periudha që askush nuk e vret mendjen për shpenzimet dhe shpesh persona të caktuar dalin jashtë parashikimeve se mundohemi të marrim maksimumin e argëtimit. Ekspertët e parave ama ju japin një guidë të qartë të mënyrave që mund t’iu kursejnë goxha në ditët e pushimeve.
- Hapi parë është të ndani një buxhet fiks për çdo shpenzim para se të niseni. E pikërisht në këtë moment mos harroni të keni hequr nga ky buxhet qeranë apo pagesa fikse që duhet t’i kryeni patjetër kur të ktheheni. Me pak fjalë, hiqni dorë nga një darkë jashtë ose një fustan i shtrenjtë që të kurseni pak për kthimin.
- Për të shpenzuar më mirë, është gjithashtu e nevojshme të parashikoni se si do t’i përdorni paratë që keni në dispozicion, duke llogaritur shpenzimet e nevojshme ashtu edhe ato shtesë. 50% e parave harxhohen për qëndrim dhe udhëtim, 20% për ushqim (nëse nuk vendosni të hani gjithmonë drekë dhe darkë jashtë), 20% për argëtim dhe 10% për raste urgjente.
- Për të mbajtur nën kontroll situatën tuaj ekonomike, gjëja më e mirë që mund të bëni, madje edhe kur jeni me pushime është të shkruani sa shpenzoni.
- Kur udhëtoni me shoqërinë, shpesh ka nga ata që paguajnë për të tjerët dhe i ndajnë paratë më vonë. Për të mos harruar kush pagoi çfarë, apo sa në borxh jeni, ka aplikacione që mund t’iu ndihmojnë.
- Kërkoni mirë para se të vendosni me cilën kompani do bashkëpunoni. Përpiquni të kërkoni sa më shumë dhe në faqe të besueshme që të kapni një çmim të lirë, por edhe të gjeni atë që po kërkoni.
- Në pushime s’ka nevojë të bësh pazare. Mbani mend që nëse tundoheni të blini diçka, duhet t’i jepni kohë vetes 24 orë që ta mendoni. Nëse të nesërmen akoma e keni mendjen tek ajo blerje shpenzojini paratë. E njëjta mënyrë vlen dhe për të tjera shpenzime, si darkat luksoze.
- Mbaj gjithmonë disa para më tepër me vete. Asnjëherë si dihet çfarë emergjence mund të dalë.
- Kujdes me bagazhet. Përzgjidhni veç ato që duhet të keni me vete, pasi pagesa e valixheve mund të kthehet në problem më vete.
- Mos harroni të merrni sigurimin për udhëtim.
