Xhemin rrallë por shuuumë rrallë do e gjeni duke bërë bashkëbisedim me fansat në Instagram përmes pyetësorëve. Si Bricjap që është moderatores i pëlqen privatësia, por këtë herë e ka thyer paksa këtë rregull dhe i ka shuar kuriozitetin ndjekësve për shumëçka. Fillimisht ndjekësit nisën ta pyesnin për dietat dhe si e trajton fytyren e më pas pyetjet kaluan tek televizioni.
“Nuk mbaj dieta, vetëm detox që funksionon më së miri dhe ndihmon për pastrimin e organizmit. Mundohem të jem në formë me palestër, me masazhe anticelulit. Të pranojmë që celuliti nuk ikën ndonjëherë, të paktën ky i imi jo, por thjesht bëhet më pak i dukshëm kur pini shumë ujë, bëni trajtime. Pastaj me fytyrën t’ju them të drejtën merrem shumë”, tha Xhemi.
E pyetur me kë do të donte të futej në “Big Brother VIP 2”, Xhemi u përgjigj: Me Salsano Rrapin.
Moderatorja tregoi se programi që ka dashur më shumë nga ato që ka prezantuar është “Portokallia”.
“Është e vërtetë që do prezantosh një spektakël të madh në Klan në shtator?”, e pyet një tjetër. Xhemi nuk ka dhënë përgjigje por ka publikuar një video duke ecur, gjë është është nënkuptuar si jo. Pak kohë më parë në një intervistë Xhemi tha se do e shohim vetëm në Top Channel dhe nuk do prezantojë në asnjë ekran tjetër.
