Einxhel Shkira dhe Dj Dagz do të bëhen prindër. Moderatorja e tha më në fund, pas shumë lajmeve dhe kundërshtimeve prej saj, se është në pritje të fëmijës së saj të parë. Teksa të dy po shijojnë këtë periudhë të veçantë të jetës së tyre, të ftuar në “Pushime on Top” Dj Dagz ka zbuluar edhe nepset e Einxhelit në këtë periudhë.
“Më duket në këtë pjesë kam qëlluar me fat. Nuk është se nuk e do diçka, por nuk insiston me patjetër. Siç kam dëgjuar që ka momente që e duan diçka me patjetër”, ka thënë Dagz-i. Dyshja ka folur edhe për planet për dasmën.
“Fustani i bardhë nuk më bën. Tani s’më bën asgjë” tha Einxheli teksa Dagz-i me shaka tha se në dasmë do të jenë të ftuar të gjithë ata që e kanë ftuar. Moderatorja foli edhe për projektin në “Top Channel”.
“ Kam pasur takime në Top, kemi mbyllur dhe janë rihapur biseda, por diçka përfundimtare do të vendoset në ditët në vijim, ose në periudhën në vijim që të dimë dhe gjendjen time dhe pjesën e tyre, si e mendojnë”, ka thënë Einxheli.
