Jonida Maliqi, një nga prezantueset e Festivalit të Këngës në RTSH krah Xhemi Shehut, Isli Islamit, Ardit Gjebreas dhe Kelvi Kadillit, forcoi edhe njëherë në atë skenë të madhe dhe të rëndësishme pozitat e saj si ikonë e padiskutueshme mode.
Në këtë edicion special të 60-të e Festivalit, veshja e Jonidës kurohet nga stilisti Ardi Asllani, që nga një ton në tjetrin, e ka shndërruar nga një Jonidë në tjetrën.
Përveçse ndryshoi shumë ngjyra në 2 netët e para të prezantimit, Jonida na ka çuar krejt natyrshëm herë tek prezantimi, herë tek kënga dhe herë tek ikona e modës: kombinim i ngjyrave të forta, me aksesorë të mëdhenj pa frikë dhe plot vetëbesim.
Ndërsa sot, në finalen e madhe do jetë e veshur me të bardhë dhe të zezë, kombinim me të cilin në dy netët e para shkëlqeu edhe Xhemi Shehut, që në këtë rikthim u prit me shumë dashuri.
