Marrëdhënia e Mbretëreshës Elizabeth dhe Princit Philip ishte plot dashuri, respekt dhe admirim. Ata u takuan për herë të parë në Kolegjin “Britannia Royal Naval Britannia” në 1939, ku asokohe Philip ishte një kadet 18-vjeçar ndërsa Elizabeth një Princeshë 13-vjeçare. Thuhet se që prej ditës kur u takuan, Philip nuk ka menduar kurrë për askënd tjetër. Të dy shkëmbenin letra gjatë viteve të luftës. Thuhet se ai i propozoi Elizabethës në qershor, në Kështjellën Balmoral.
Pavarësisht nga titulli i tij, edhe lidhja e Elizabethës me Philipin pati kritika. Shumë menduan se Philipi ishte i pasjellshëm, shumë gjerman, shumë grek, shumë jo-anglez për t’u martuar me Princeshën Elizabeth. Por Elizabeth ishte kokëfortë.
Çifti u martua para 2000 njerëzve në Westminster Abbey. “Pyes veten nëse Philip e di se çfarë po merr përsipër”, u dëgjua të thonte mbreti George VI, babai i Elizabethës.
Në kurorëzimin e mbretëreshës në 1953, Philip u gjunjëzua para saj dhe u betua të ishte “njeriu i saj i jetës”. Ai nuk ishte i sigurt për vendin e tij, rolin e tij, jetën e tij. Por e gjeti rrugën e tij duke krijuar trashëgiminë teksa mbështeste me vendosmëri gruan e tij.
Më poshtë ju sjellim në fotografi jetën e Mbretëreshës Elizabeth dhe Princit Philip, nga dasma e tyre në Westminster deri në fundjavat e tyre idilike në Balmoral dhe ditëlindjen e fundit të dukës në Windsor.
