Ajo është një prej artisteve e cila që në daljet e saj të para në skenë ka spikatur për zërin potent dhe stilin e veçantë të të kënduarit. Ndryshe nga shumë kolege të saj, për Elhaida Danin në plan të parë vinte zëri dhe pastaj pamja apo imazhi i saj. Karriera e saj është karakterizuar nga suksese të vazhdueshme si ai në ’Top Fest’, përfaqësimi i Shqipërisë në ‘Eurovizion’ dhe triumfi në ‘The voice of Italy’.
E kujtojmë Elhidën si vajzën e kolme që me zërin dhe sukseset e njëpasnjëshme rrëmbeu zemrat e publikut. Tani, pasi kanë kaluar disa vite, Elhaida Dani çdo ditë e më shumë shfaqet ndryshe, me disa kilogramë më pak dhe me linjat e një modeleje.
Nuk e dimë specifikisht sekretin e një ndryshimi të tillë, por nga postimet e vazhdueshme të këngëtares në rrjetet sociale, shihet se ajo është një frekuentuese e rregullt e palestrës. Ndërkohë nuk mungojnë as postimet me ushqime të shëndetshme.
Mesa duket Elhaida ka ndryshuar stilin e saj të jetesës, por vazhdon të mbetet një nga artistet e vërteta shqiptare./revistawho.com
