Nicki Minaj ka pranuar së fundmi, e ftuar në emisionin ‘Queen Radio’ se ajo dhe i dashuri i saj, Kenneth Petty po përgatiten për t’u martuar. Reperja u shpreh se dyshja ka marrë liçensën e martesës dhe shtoi se tashmë ka gjetur atë çfarë ka dëshiruar gjithmonë, lumturinë.
Kujtojmë se partneri aktual i Minaj ka qenë i akuzuar për shkak të marrëdhënies së komplikuar që ka pasur më parë, por Nicki i sqaroi të gjithë rreth kësaj situate në muajin dhjetor të vitit të kaluar, duke thënë se Kenneth ka qenë vetëm 15-vjeç dhe ka qenë në një lidhje me vajzën me të cilën ndodhi situata.
Megjithatë kjo nuk i ndaloi që Nicki dhe Kenneth të jenë të lumtur së bashku. Lidhja e tyre u bë zyrtare muaj më parë dhe që prej atij momenti është vërtetuar se Petty i është dedikuar plotësisht reperes./revistawho.com
