Mbrëmja e ndarjes së çmimeve Emmy 2025 do të mbahet mend gjatë, pasi një adoleshent arriti të thyejë çdo rekord. Bëhet fjalë për Owen Cooper, 15 vjeç, i cili falë rolit të tij në serialin e Netflix Adolescence, hyri në histori si aktori më i ri mashkull që ka fituar një Emmy.
Cooper u shpall fitues në kategorinë “Aktor i Mirë Mbështetës” në një serial apo film televiziv, duke i dhënë kështu një tjetër dimension karrierës së tij të sapofilluar. Në dramën Adolescence, ai interpretoi Jamie Miller-in, një 13-vjeçar të arrestuar për një vrasje të tmerrshme – rol që i dha një shans të artë për të treguar talentin e tij.
E veçanta është se ky ishte debutimi i tij i parë si aktor. Seriali u ngjit menjëherë në listën e më të shikuarve në Netflix në gjuhën angleze, duke bërë që suksesi i Owen-it të shkëlqejë edhe më fort.
Në fjalimin e pranimit, 15-vjeçari nuk i fshehu emocionet:
“Sinqerisht, kur fillova të ndjek këto kurse drame disa vite më parë, nuk e prisja kurrë të isha në Shtetet e Bashkuara, e lëre më këtu,” u shpreh ai. “Por mendoj se sonte vërteton se nëse dëgjon, përqendrohesh dhe del jashtë zonës tënde të rehatisë, mund të arrish çdo gjë në jetë.”
