Orinda Huta dhe Turjan Hyska janë një nga çiftet më simpatikë të show-bizit. Një marrëdhënie disa vjeçare që po arrin të prekë hapin final: atë të martesës. Na kanë surprizuar në çdo detaj pa harruar, ftesat e veçanta dhe kreative. Sipas burimeve, dasma do të organizohet në ambjent të hapur pranë rezidencës Illuminatium, prandaj moti është pika kyçe që gjithçka të shkojë ashtu siç cifti e ka planifikuar. Mirëpo menduat që gjithçka do të mbyllej me kaq? E harruat muajin e mjaltit? Nuk e di për ju, por kjo dasëm kalon përtej imagjinatës, përtej çdo parashikimi. Për Living, Turi është shprehur që muaji i mjaltit do të zgjasë plot 25 ditë. Pikënisja do të jetë qyteti i bukur i Amsterdamit për të përfunduar më pas drejt aventurave që Tajlanda sjell. Turqia do të jetë si një oaz çlodhjeje që do të mirëpresë çiftin për rreth një javë para se të kthehen në Shqipëri.
