Ameli është vajza e vetme e kantautorit të suksesshëm shqiptar, Alban Skënderaj. Pas ardhjes së saj në jetë ai ka krijuar një ekuilibër, i cili e ndihmon që të mos largojë vëmendjen as nga familja e as nga karriera e tij. Pavarësisht punës së lodhshme që bën çdo ditë në studion e tij muzikore, me projekte të reja apo edhe me koncerte të shumta, ai gjen kohë për të kaluar edhe me të voglën e tij. Shpesh herë këto momente të ëmbla ai i ndan edhe me ndjekësit e tij në rrjetet sociale dhe mund të themi me plot gojën se Albani është një baba shumë i përkushtuar. Së fundmi ai ka publikuar një foto ku tregon se ka shkuar të marrë Amelin nga kopshti dhe shpërblimi është ajo që dëshironte më shumë.
E bija, e cila tashmë duket si një zonjushë e vërtetë, i ka dhuruar një puthje plot dashuri.
“Kur e merr babi nga kopshti shpërblimi është një puthje që të shton jetën”,- shkruan këngëtari krahas fotos.
Të gjithë kemi dëgjuar të flitet për raportin e veçantë të baballarëve me vajzat e tyre, por nëse dëshironi të keni një shembull, Albani dhe Ameli janë i duhuri./revistawho.com
