Bebe Rexha është një nga këngëtaret më të preferuara të momentit. Zëri potent si dhe stili unik që ka, e bëjnë të dallohet lehtë ndër të tjerat. Ajo gjendej në Evropë ku po shijonte disa ditë relaksi dhe qetësie pas koncerteve të njëpasnjëshme, kur befas sot u shfaq në helikopter duke udhëtuar nëpër Shqipëri me vajzën e Ilir Metës, Bora. Bebe mund të zgjidhte dhe të udhëtonte me avion, por helikopteri ishte alternativa më argëtuese që mund të gjente. Këngëtarja 27-vjeçare po shijon peisazhin e mrekullueshëm të territorit shqiptar duke u magjepsur nga atraksionet e shumta që ky vend ofron.
