Temperaturat prej ditësh janë mjaft të larta, duke bërë që të gjithë të arratisen larg kryeqytetit. Gjithashtu moderatorja e njohur, Bieta Sulo me familjen ka bërë të njëjtën gjë. Edhe pse është fundi i tetorit, koha i ka lejuar moderatores me vogëlushin e saj dhe partnerin të shijojnë detin dhe diellin. Bieta ka publikuar foto me Kroi Art dhe Albanin, teksa luajnë në det, duke na sjellë pamjen e verës. “Një ditë vere, dhuratë nga vjeshta”, shkruan ajo në fotot e postuara. Me siguri të gjithë e kanë zili fundjavën e Bietës, pasi edhe pse ka kaluar pak kohë, çdokënd e merr malli për verën.
